Atodiad B - Sut byddwn yn cymhwyso prawf budd y cyhoedd a'r prawf niwed sylweddol i eithriadau

Mae Atodiad A yn dangos, fesul eithriad, a yw prawf budd y cyhoedd a'r prawf niwed sylweddol yn cael eu cymhwyso i wybodaeth sy'n dod o dan yr eithriadau. Mae'r atodiad hwn yn nodi beth mae pob prawf yn ei olygu:

Os yw Atodiad A yn dangos bod eithriad yn amodol, ac y byddwn yn cymhwyso prawf budd y cyhoedd a'r prawf niwed sylweddol, dim ond pe bai datgelu'r wybodaeth yn achosi neu'n debygol o achosi niwed sylweddol i'r diben y mae'r eithriad yn ceisio ei amddiffyn y byddwn yn dibynnu ar yr eithriad. Hyd yn oed pe bai datgelu yn achosi neu'n debygol o achosi'r fath niwed sylweddol, ni fyddwn yn dibynnu ar yr eithriad oni bai fod y niwed hwnnw yn gorbwyso budd y cyhoedd mewn datgelu'r wybodaeth;
Os yw Atodiad A yn dangos bod eithriad yn amodol, ac y byddwn yn cymhwyso prawf budd y cyhoedd yn unig, mae'n golygu y byddwn ond yn dibynnu ar yr eithriad os yw budd y cyhoedd, mewn cadw'r wybodaeth yn ôl at y diben y mae'r eithriad yn ceisio ei amddiffyn, yn gorbwyso budd y cyhoedd mewn datgelu'r wybodaeth;
Os yw Atodiad A yn dangos bod eithriad yn ddiamod, ac y byddwn yn cymhwyso'r prawf niwed sylweddol, mae'n golygu y byddwn ond yn dibynnu ar yr eithriad pe bai datgelu'r wybodaeth yn achosi neu'n debygol o achosi niwed sylweddol i'r diben y mae'r eithriad yn ceisio ei amddiffyn;
Os yw Atodiad A yn dangos bod eithriad yn ddiamod, ac na fyddwn yn cymhwyso naill ai prawf budd y cyhoedd na'r prawf niwed sylweddol, mae'n golygu y byddwn yn dibynnu ar yr eithriad hwnnw ac yn peidio â datgelu'r wybodaeth.

6/9/2005