COMISIWN FFINIAU LLYWODRAETH LEOL I GYMRU
CYFARFOD A GYNHALIWYD 20 EBRILL 2005 YN NHY CARADOG, PLAS SANT ANDREAS, CAERDYDD
Yn bresennol:
Y Comisiwn
Mrs Susan Smith (Cadeirydd), Mr John Davies (Dirprwy Gadeirydd), Mr Dennis Roberts (Aelod)
Ysgrifenyddiaeth
Mr Edward Lewis (Ysgrifennydd), Mr Steve Halsall, Mr Dave Carr
1. DATGANIAD O DDIDDORDEBAU
1.1 Ni ddatganwyd unrhyw ddiddordebau newydd.
2. COFNODION CYFARFOD Y COMISIWN A GYNHALIWYD AR 17 MAWRTH 2005
2.1 Cytunwyd ar y rhain yn amodol ar fân ddiwygiadau.
3. MATERION SY'N CODI
3.1 Materion Merlin
3.1.1 Adroddwyd bod MERLIN wedi cael caniatâd oddi wrth landlord Ty Caradog i fwrw ymlaen â diweddaru'r cyswllt data. Byddai MERLIN yn cysylltu â BT i ofyn iddynt wneud y gwaith mewn da bryd.
3.1.2 Nid oedd yn bosibl i'r Ysgrifenyddiaeth ddiweddaru gwefan y Comisiwn yn llawn o hyd, ac ni wyddys pa bryd y byddai'r mater hwn yn cael ei ddatrys. Roedd yn bosibl i'r Cynulliad ddiweddaru gwefan y Comisiwn mewn argyfwng.
3.2 Adolygiad Cymunedol Bracla
3.2.1 Adroddwyd bod y Cynigion Drafft ar gyfer Adolygiad Cymunedol Bracla wedi'u cyhoeddi ar 8 Ebrill 2005. Pennwyd y dyddiad cau ar gyfer cynrychioliadau yn 10 Mehefin 2005.
3.3 Cynghorwyr Cymunedol
3.3.1 Adroddodd yr Ysgrifennydd y rhoddwyd gwybod i adran nawdd y Comisiwn am yr angen i adolygu cyngor y Comisiwn o 1976 ar niferoedd cynghorwyr cymunedol, ond ni chynhaliwyd unrhyw gyfarfod i drafod y mater hyd yn hyn.
3.4 Cyfarfod Agored Blynyddol
3.4.1 Mae Llyfrgell Genedlaethol Cymru bellach wedi'i llogi fel lleoliad CAB 2005. Cytunwyd y byddai'r Ysgrifenyddiaeth yn trefnu llety ac ystafell gyfarfod yng Ngwesty'r Bellevue yn Aberystwyth.
4. ADOLYGIAD O'R FFIN RHWNG SIR BENFRO A CHEREDIGION YN ARDAL CILGERRAN - DRAFFT O'R ADRODDIAD TERFYNOL
4.1 Cymeradwyodd y Comisiwn yr adroddiad yn amodol ar fân ddiwygiadau. Cytunwyd y byddai'r adroddiad yn cael ei gyhoeddi ym mis Mai ar ôl yr etholiad cyffredinol.
5. YR ADRODDIAD BLYNYDDOL AR Y CYNLLUN IAITH GYMRAEG
5.1 Cymeradwyodd y Comisiwn yr adroddiad. Cytunwyd y byddai'r Ysgrifenyddiaeth yn cysylltu â Bwrdd yr Iaith Gymraeg i ofyn ynghylch argaeledd y bathodynnau a ddefnyddir i nodi siaradwyr Cymraeg mewn cyfarfodydd a chynadleddau.
6. AILWAMPIO - ADRODDIAD LLAFAR
6.1 Adroddwyd bod yr Ysgrifenyddiaeth wedi cynnal mwy o gyfarfodydd â Dalkia er mwyn cytuno ar amserlen ar gyfer rhannu'r gwaith ailwampio dros flynyddoedd ariannol 2005/06 a 2006/07. Fel rhan o'r broses, roedd MERLIN wedi adolygu ceblau a ffitiadau trydanol presennol y Comisiwn ac wedi argymell rhai newidiadau a bod socedi trydan ychwanegol yn cael eu hymgorffori i raglen ailwampio Dalkia. Disgwylid y byddai Dalkia yn barod i wahodd contractwyr i dendro am y gwaith erbyn diwedd mis Ebrill 2005.
7. UNRHYW FUSNES ARALL
7.1 Cyhoeddi'r Cofnodion
7.1.1 Nododd y Comisiwn nad oedd hi'n arfer ar hyn o bryd i gyhoedd cofnodion y Pwyllgor Archwilio. Cytunwyd y byddai'r Ysgrifenyddiaeth yn gwirio'r gofyniad am ddatgelu cofnodion y Pwyllgor Archwilio ac adrodd yn ôl i'r Comisiwn.
7.2 Rhyddid Gwybodaeth
7.2.1 Adroddwyd bod y Cynulliad wedi newid eu polisi ar Ryddid Gwybodaeth yn sylweddol ac y dylid newid polisi'r Comisiwn yn unol â hynny. Cytunwyd y byddai polisi Rhyddid Gwybodaeth y Comisiwn yn cael ei ailddrafftio ar sail polisi'r Cynulliad.
7.3 Llofnodi Sieciau
7.3.1 Codwyd y cwestiwn o darddiad y trefniadau ynghylch llofnodwyr sieciau yn y Pwyllgor Archwilio. Cytunwyd i ymchwilio i'r mater a chael adroddiad amdano yn y cyfarfod nesaf.
7.4 Un Llais i Gymru
7.4.1 Yn dilyn y cyfarfod cynharach yn y diwrnod â Phwyllgor Llywodraeth Leol Cynulliad Cymru, cytunwyd i gysylltu â'r sefydliad.
7.5 Meddalwedd Cyfrifo
7.5.1 Cytunwyd y byddai'r Ysgrifenyddiaeth yn ymchwilio i'r posibilrwydd o gael meddalwedd cyfrifo ac adrodd yn ôl i'r Comisiwn ar y manteision a'r anfanteision posibl.
8. DYDDIAD Y CYFARFOD NESAF
8.1 Pennwyd y dyddiadau ar gyfer y cyfarfodydd nesaf ar gyfer 16 Mai 2005 a 26 Gorffennaf 2005.
29/9/2005