Cafodd Cynllun Datblygu Unedol (CDU) 1996-2011 Cyngor Bwrdeistref Sirol Wrecsam ei fabwysiadu yn Chwefror 2005 ac mae'n cydymffurfio â pholisïau perthnasol
Llywodraeth Cynulliad Cymru. Mae'r cynllun 'yn cynnig fframwaith ar gyfer gwneud penderfyniadau lleol a chysoni buddiannau datblygu a chadwraeth er mwyn i
newidiadau mewn defnydd tir ddigwydd yn mewn modd cydlynus a chyda'r budd mwyaf i gymunedau'.
Mae'r CDU yn gwneud 12 datganiad polisi strategol a'r cyntaf ohonynt yw: 'Caiff datblygiad newydd ar gyfer tai, cyflogaeth a gwasanaethau cymunedol ei
gyfeirio at fannau o fewn terfynau anheddiad/ardaloedd cyflogaeth diffiniedig'. Mae'r CDU yn diffinio nifer o'r cyfryw aneddiadau o fewn ardal Wrecsam a
dangosir y rhain ar y mapiau sydd ynghlwm wrth y CDU.
Mae ardaloedd aneddiadau a ddiffinnir gan y CDU yn croesi ffiniau cymunedau mewn ardaloedd dan arolwg fel a ganlyn:
Abenbury - cynnwys rhan o ystâd Llwyn Onn o fewn anheddiad Tref Wrecsam
Abenbury - cynnwys datblygiad Thornleigh o fewn anheddiad Tref Wrecsam
Brychdwn - cynnwys rhan o Gymuned Brychdwn o fewn anheddiad Brymbo
Holt - cynnwys datblygiad Fairways o fewn anheddiad Tref Wrecsam
Mwynglawdd - cynnwys rhan o Gymuned Mwynglawdd o fewn anheddiad Coedpoeth
Gwersyllt - cynnwys rhan o Gymuned Gwersyllt o fewn anheddiad Tref Wrecsam
Gresffordd - cynnwys rhan o Gymuned Gresffordd o fewn anheddiad Tref Wrecsam
Mae copïau o'r CDU ar gael i'w lawrlwytho o wefan y Cyngor yn
www.wrexham.gov.uk
